Skip to main content

වැල්දොඩම් වැල්

අපි හැමෝම ආසයි තමන් කරපු හපන්කම් ජයග්‍රහණ ගැන කතා කරන්න , හිතන්න කැමතියි. නමුත් අපි හැමෝගෙම ජීවිත ගොන්කම්, පරාජය වීම්, මතක් කළ විට ලැජ්ජා හිතෙන දේවල් වලින් පිරිලා.

අද මට ලියන්න හිතු‍නේ ඒවගේ කරපු ගොන් කමක් ගැනයි. මේ සිද්දිය මතක්වෙන කොටත් මට ලොකු කනගාටුවක් දැනෙනවා. සම්පූර්ණයෙන් කළු හෝ සම්පූර්ණයෙන් සුදු කිසිම කෙනෙක් මේලෝකේ නෑ. ඒ වගේම අංග සම්පුර්ණත් නෑ. අපි කෙනෙක්ට ආදර කරනකොට ඒ කෙනාගේ හොඳ ගුණාන්ග විතරයි දකින්නේ. ඒ අයගේ කොච්චර වැරදි තිබුනත් එපි ඒවා ගණන් ගන්නේනෑ. යම් දිනක ඒ පුද්ගලයා කරදයක් වුනොත්, ඒවගේම එපා වුනොත්, තමන්ගේ ජීවිතයෙන් ඈත් කරන්න ඕනා වුනොත්, එ දිනට ඒ කෙනාගේ වැරදි දකින්න පටන්ගන්නවා. නිවැරදි කරගන්න කොච්චර අවස්තා තිබ්බත් ඒවා අපිට දැකින්න ඕන වෙන්නේ නෑ. මට මතක්වෙන්නේ තායිචී වල භාවිතා කරන යින් යැන්ග් සලකුණ.( - taoist Taijitu) සම්පූර්ණයෙන් කළු හෝ සම්පූරණයෙන් සුදු කිසිවෙක් නෑ. කාර්‍ය බහුල දවසක වුනත් මේක ලියලාම ඉවරයක් කරන්න හිතුනේ තවදුරටත් හිත තුල හිර කරගෙන ඉන්න බැරි නිසා.

මේ සිද්ධිය වෙනකොට මට වයස අවු. 9ක් පමණ වන්නට ඇති. ඒ දවස්වල මගේ පුරුද්දක් තිබ්බා කෑමට ලැබෙන ඔනෑම බීජ සහිත පළතුරක ඉතුරු ‍වෙන ඇට පැළ කිරීමේ. ඒ වුනාට ඒ‍වා බොහෝමයක් පැළුවුනේ නෑ. සමහරක් ඒවා කුඩා කාලයේම මිය ගියා. මට මතකයි ඒදවස්වල ඇපල් ඇටත් පැළ කරන්න උත්සාහ කරලා තියෙනවා. ඒත් ඒ දවස් වල අපි හිටයේ කුලී නිවසක. ඒත් ඒ පුරුද්ද අත හැරියේ නෑ.

දවසක් මේ විදියට බීමට ලැබුනු වැල්දොඩම් වීදුරුවක අඩියේ ඉතුරු වුන ඇට කීපයක් පැල කළා. මෙයින් වැල් දොඩම් වැල් දෙකක් හට ගත්තා. නිවසේ දෙර කඩ අයිනේන් ඉනි වැටක් තිබ්බා. මේ දොඩම් වැල ඒ වැට අල්ලාගෙන වැට දිගේ ඉදිරිට කෙමෙන් කෙමෙන් වැඩුනා. ගෙවත්තේ ඉනි වැටට ආසන්නයේ කසිදා ඵල හට‍නොගත් මහා අඹ ගසක් තිබුනා. මාමා කෙනෙකුගේ උපදෙස් අනුව ඵල හට ගනී යන බලාපොරොත්තුවෙන් බඳවටේ පැල්මක් යෙදා වයර් එකක් බැඳ දැමුවද කිසිදා ඒ අඹ ගසේ අඹයක් හටගත්තේ නෑ.

වැට‍දිගේ ඉහල ඇදුනු දොඩම් වැල් දෙක එකිනෙක හා වෙලෙමින් අඹ ගසට ගොඩ වැදුනා. අවසානයේ අඹ ගස සම්පූර්ණයෙන්ම දොඩම් වැල ආක්‍රමණය කළා. දොඩම් ඒක ලිංගික ශාකයක්. ඒ කියන්නේ ගැහැණු දොඩම් වැල් සහ පිරිමි දොඩම් වැල් ගස් වෙන විදියට වෙනම වර්ග කරන්න පුළුවන්. ඵල හට ගැනීමට නම් පිරිමි ගසක හටගන්නා මල්වල පරාග ගැහැණු ගසක මල්වට යෘමට අවශ්‍ය නිසා සාමාන්යෙන් වැල්දොඩම් වලින් හොඳ ඵලදාවක් ලබාගන්න පරාගනය කෘතිමව කරනන සිදුවෙනවා.

වාසනාවකට මේ දොඩම් වැල්දෙක ගැහැණු සහ පිරිමි ගස් දෙකක්. ඒ ගස් දෙක එකිනෙක හා ‍බැ‍ඳෙමින් ආසන්යෙන් වැඩීතිබුනු නිසා පරාගනයද කිසිදු අපහසු තාවයකින් තොරව සිද්ද වෙලා තිබ්බා. දැන් අඹ ගස පූරා වැල් දොඩම් ගෙඩි. සාමාන්යෙන් බාල්දි දෙක තුනක් පිරෙන්න ගෙඩි හට ගන්නවා. කාටද ආඩම්බර!

මම කලින් කිව්වා වගේ අපි හිටියේ කුලී ගේක. ඒනිසා අපිට මේගෙදර දාලයන්න සිද්ද වුනා අළුතින් මිලදී ගත් නිවසකට. ඒ නිවසට යෑමට දින ආසාන්න වෙත්ම මම අම්මාගෙන් ගිහින් අහුවා. අම්මේ අපි ගියාම මේ ‍ෆ්‍රැෂන් ෆෘට් ගහට මොකක්ද වේන්නේ කියලා. මේ ගෙදර අපේ‍ නෙමෙයිනේ. ඒක මෙහේ තියේවි කියලා. එතකොට මම හිටවපු පැලෙන් වෙනින් අයනේ ප්‍රයෝජන ගන්නේ. ඔව් ඉතින් මොකද අම්මා ඇහුවා. අම්මා නම් කියයි. මටනේ දුක.

මට මේ ගහගැන තියෙන තන්හාව තවත් වැඩිවුනේ මට ඒ වැල නැතිවෙනවාට වාඩා වෙනින් අය ඒ ගහෙන් ගෙඩි කඩාගෙන කාවිය කියන එක නිසා වෙන්න ඇති. ඒක කොච්චර අප්පිරිය කැත අදහසක්ද කියලා එදා මට ‍නොවැහිටුනා ද කියලා කියන්න දන්නේ නෑ. අවු 9ක් වුනත් සිතීමේ හැකියාවක් තිබුනේ නෑ කියන්නත් බෑනේ.

ඔන්න දැන් නිවසෙන් පිටවෙන්නට තව ඇත්තේ එක දිනයි හෝ දෙකයි. කරන්නට දෙයක් නැ. ගත්තා පිහියක් හිමින් සීරුවේ වැල්දොඩම් වැල්දෙකෙන් එක වැලක මුලින් තියලා පිහිය දෙපැත්තට ඇදලා ඇදලා කඩලා දැන්මා. මේ කාරනාව කාටවත් නොකියන්න මම වග බලාගත්තා.

වසරකට පමණ පසු ඒ නිවසට යෑමට අවස්තාවක් ලැබුනා. ඒ විට වැල්දෙඩම් වැලක් තිබුනු බවට සලකුණක්වත් තිබුනේ නෑ. මා විසින් මාරා දැමූ වැල මුලිනුත් ඊට ටික කලකට පසු අනිත් වැලත් මිය ගිය බව ඒ අවට දන්නා හඳුනන අසල් වැසියන්ගෙන් දැන ගත්තා. පළමු වැල මිය යෑමේ දුක නිසා අතිවූ වියෝ දුකින් අනිත් වැලත් මිය යන්නට ඇති.

Comments

Anonymous said…
වැල තමා වැල! එව්වා කොහොමත් තියෙන්නෙ ප්‍රයොජනයට අරන් විනස කරලා දාන්න තමඉ.
චමිල said…
ඔහොම තමයි බොස්. අපි හැමෝම එක එක වැරදි කරලා තියෙනවා. වැරදි නොකරපු කෙනෙක් මේ ලෝකේ නෑ නේ.
හොඳම වැඩේ වැරැද්ද මතක් කර කර පසුතැවෙන එක නෙවෙයි. ඒකෙන් පාඩමක් ඉගෙන ගෙන එකම වැරැද්ද දෙපාරක් නොකරන එකයි
එක්කෙනෙක්වත් ඒක තේරුම් ගත්ත එක ලෙකු සහනයක්... මොකද මේක කියවපු සමහර යාලුවන් දැන් මාත් එක්ක කතා කරන්නේවත් නෑ. :D
Bo said…
මල්ලි, නොදන්න නොතේරුම් කාලයේ සිද්ධ වුන දෙයක්නේ,පොඩි ළමා වියේ හරියට නොවැටහෙන නිසා මෙවැනි වැරදි සිදුවෙනවා ඇති.

මොනවද මුත්තෙ මොකද කරන්නනේ,
මොකටද ඔබ ඔය බිම හාරන්නේ,
ඔබටත් ළමයෝ නොපෙනේ නොසිතමි
අඹ ඇටයක් සිටුවන්නට හාරමි.

කියලා නිතර ඇසුන සිංදුව මතක් වෙනවා, දැන් මේ අඹ ගහ හිටෙව්වට මුත්තට ඒවා කන්න වෙන්නේ නෑනේ ඇයි එහෙනම් හිටවන්නේ කියලා පොඩි ළමයෙක් අහනවා, ඒ ළමා මනසේ හැටි. නමුත් මුත්තා පැහැදිලි කරලා දෙනවා, මේවා අනාගතයට කියලා.
මෙවැනි පෝස්ට් එකක් නිසා ඔයා එක්ක කතානොකරන යාලුවෝ මම හිතන්නේ ඔයාගේ සැබෑ යහළුවන් නොවේ කියලා.
"සම්පූර්ණයෙන් කළු හෝ සම්පූර්ණයෙන් සුදු කිසිම කෙනෙක් මේලෝකේ නෑ. ඒ වගේම අංග සම්පුර්ණත් නෑ."
"මට මතක්වෙන්නේ තායිචී වල භාවිතා කරන යින් යැන්ග් සලකුණ.( - taoist Taijitu) සම්පූර්ණයෙන් කළු හෝ සම්පූරණයෙන් සුදු කිසිවෙක් නෑ. "

මේ අදහස ගොඩාක් වටිනවා අයියා!. මම දැන හිටියේ නෑ තේරුම. මම පොඩි කාලේ සිටම සිතුවේ ධර්ම චර්ක්‍රය වගේ එකක් කියලායේ. මොකද ඒ මාළුවෙක් වගේ පෙනෙන රූපයේ අවසානයක් නැති නිසා.
බිනකු මල්ලී හිටන් හිටපු හැටිත් වැරදි නෑ. ‍එකම සළකුණ ගැන විවිද මත තියෙනවානේ. ‍යින් සහ යැන්ග් එකිනෙකා පසුපස දුවනවා ඒවගේම යින් තුල යැන්ග් තිතක් තියෙනවා එසේම යැන්ග් තුල යින් ස්වල්පයක් ද තියෙනවා.

විකියේ ගොඩක්‍ හොඳ පැහැදිලි කිරීමක් තියෙනවා.

http://en.wikipedia.org/wiki/Yin_and_yang

http://en.wikipedia.org/wiki/Taijitu
සු෴ said…
ඔයාට අර වැල්දොඩම් වැල කපන කාලෙ තරම්වත් සිතීමේ හැකියාවක් නැතිව ඇති තරහාවුණ යාලුවන්ට.. පොඩි කාලේ ඔයිට වඩා මරුමුස් වැඩ ක‍‍ළ අය අද බොහොම හොඳ අය වෙලා ඉන්නවා.. ඒත් වැලේ කතාව අහද්දිනම් දුකක් හිතුණා.. අපරාදෙ..නේද ? මෙහෙම ඒක කියපු එකත් කොයි තරම් දෙයක්ද ?

Popular posts from this blog

බැලුම්ගල කුහක මධ්‍ය කරණය

වසරකට ආසන්න කාලයක් ලිපියක් නොලියූ මට ලිපියක් ලියන්නට ප්‍රස්තුතයක් වූයේ මේ බැලුම්ගල වැඩ සටහන යි. ආරම්භයක් ලෙස එම වැඩසටහනේ සවන්දීමට ආරධනා කරමි.



මම මේ ලිපිය ලියන්නට පටන් ගන්නේම බැලුම්ගල වැඩසටහනේ ඇති ළාබාල අතාර්කික ක්‍රමයකින් විවේචනය කරන ක්‍රමවේදය හෙළා දැකීමට බැවින්, සාධාරණ අපක්ෂපාතී, ලිවීමක් විවරණයක් මා තුළින් බලාපොරොත්තු නොවන්න. භද්‍රජී මහින්ද ජයතිලකගේ Diehard fan කෙනෙක් බැවින් තව දුරටත් එය එසේ නොවෙනු ඇත.

2002 හෝ ඊට ආසන්න කාලයක දිනක් කොළඹ මහජන පුස්තකාලය තුළ අමුතු තාලයේ පොතක් මට හමුවුනා. එහි නම "විශ්ව ශක්තිය හා චක්‍ර" හෝ එයට ආසන්න නමක් ලෙසයි මට මතක. එහි රචකයා වූයේ භද්‍රජී හින්ද ජයතිලයන්ම තමයි. ඒ වන විට ලංකාව තුළ විශ්ව ශක්තිය නමින් හෝ රේඛී නමින් හෝ කිසිවක් විද්‍යුත් මාධ්‍ය වල පල නොවුනු කාලයක්. භද්‍රජී ගැන මම ඒවන විට 70 ගීත ගායකයෙක් සහ ගීතරචකයෙක් ලෙස දැන සිටියත් ඔහු ගැන පුද්ගලිකව සෙයාබැලීමට උනන්දු වූයේ ඒ පොත කියවීමෙන් පසුවයි.

කාලයත් සමග ලංකාව තුළ විශ්ව ශක්ති හොරුන් ලෙඩ රෝග සුව කරන එලොවින් ආ ජීවිකයන් ගෙන් පිරී ගියේය. ඒ සැවොම මිනිසුන්ගෙන් ලක්ෂ ගණන් මුදල් වංචාකොට අතුරුදහන් විය. විශ්…

Apple Mac පරිගණක සඳහා සිංහල යතුරු ලියන පහසුකම (Wijesekara Keylayout))

වසර ගනණක කඩවුනු පොරොන්දුවක් ඉටු කරන්නයි යන්නේ. මේ ඇපල් පරිගණක සඳහා සිංහල යතුරු පොවරුව නිර්මාණයකරලා වසරක් පමණ ගත වුවත් අද තමයි නිලවශයෙන් නිකුත් කරන්නේ. පහුගිය බ්ලොග් කරුවන්ගේ සංසදයේ හමුවේදීත් මෙය ලබාදෙන බවට මම පොරොන්දු වුනත් නිකුත් කරගන්නට හැකියාවක් ලැබුනේ නෑ. පරිගණකයට ස්ථාපනය කරගන්නා ආකාරය හා බාගත කිරීමේ යොමු පහත දක්වා ඇත.

පළමුව sinhala-wije.keylayout ගොනුව මේ යොමුවෙන් බාගත(download) කරන්න. (download නොවේනම් right click කර save link as යන්න තෝරන්න.)

ඉන් පසු ඔබගේ මැකින්ටෝෂ් පරිගණකයේ Finder වැඩසටහනට පිවිසී Go > Computer වෙතට යන්න. මේ මගින් ඔබගේ account එකට අදාල Folder එක විවෘතවේ.එහි Machintosh HD තුල පිවසී Library & Keyboard layouts යන ෆොල්ඩරයට පිවිසෙන්න.දැන් බාගත කරන ලද sinhala-wije.keylayout ගොනුව එම ෆොල්ඩරය(Library>Keyboard Layouts) වෙතට කොපි කරගන්න.දැන් පරිගනකයෙන් Log offවෙන්න නැතිනම් පරිගණකය Restart කරන්න.ඉන් පසු System Preferences > Language & Text වෙත පිවිස Input Sources ටැබ් එක විවෘත කරන්න. එහි sinhala-wije යන්න තෝරාන්න (checkbox එක ‍select කරන්න)අවශ්‍යනම් keboar…

ලංකාවෙන් පිට රටට යන සල්ලි නවත්තන්න එටිසෙලාට් සිම් එක කැඩුව නේ ද?

කමක් නෑ ඊට කලින් කරන්න තව වැඩ ටිකක් තියෙනවා. කැඩුවත් නැතත් මේ ටිකත් කරන්න පුළුවන් නම් අපේ රට ගොඩ දාගන්න පුළුවන්.

1. දුරකථන අංකයක් ව්‍යාපාරිකයන් වෙනස් කරන්න කැමති වෙන්නේ නෑ. ඔවුනට අදාල අංකය මිස ආයතනය මොකක්ද කියන එක නෙමෙයි. ඒක නිසා TRC එකට බල කරන්න ඕන Number Portability පහසු කම පාරිභෝගියන්ට ලබා දෙන්න කියලා. ඒ කිව්වෙ. අංකය වෙනස් නොකර ඩයලොග් වලින් මොබිටෙල් වලට හරි, එටිසෙලාට් වලින් ඩයලොග් වලට හරි මාරුවෙන්න තියෙන පොරිභෝගික අයිතිය නිත්‍යානු කූල කරන්න කියලා රජයට බල කරන එක. දැනට මේ නීතිය ක්‍රියාත්මක නොකරන්න් Etisalat සහ Dialog කියන කම්පැනි දෙක කඩා වැටේවි කියන බයට. රජය ඉන්න ඕන මිනිස්සුන්ගේ පැත්තේ මිස ආයතනවල පැත්තේ නෙමෙයි. ඒ ආයතන වල රැකියා කරන අයත් ආරකෂා කරගත යුතුයි. නමුත් පාරිභෝගික අයිතියට සෑම විට මුල් තැන ලබා දීම රජයක් සතු වගකීමක්.

2. පැට්‍රල් වලින් ඩීසල් වලින් දුවන වාහන Electic වාහන වලට මාරු වෙමු ද? අඩුම තරමේ Hybrid එකකටවත්. වාහන වල ටැක්ස් වැඩියිනම් ඒකටත් රජයට බල කරමු ටැක්ස් අඩු කරලා පරිසර හිතකාමී වාහන දිරිගන්වන්න කියලා. ඒ වගේම සූර්‍ය පැනලයක් ගෙදර හයි කරගෙන පුද්ගලික දැවිතෙල් භාවිතය ශූන්‍යය කර…