Skip to main content

කාලගුණය හා පාර විද්‍යාවන්

අතීතයේ බටහිර විද්‍යාව භාවිතා නොවූ යුගයන් හී කාලගුණ චන්ද්‍රිකාවන් භාවිතා නොකළ යුගයන් හී කාලගුණය ගැන අනාවැකි පල කිරීම පාර විද්‍යාවන් ඇසුරෙන් හා සතුන්ගේ චර්යා අධ්‍යානය ආදියෙන් දැන ගත් බව ඔබ කවුරුත් වාගේ පිළි ගනු අතැයි මා සිතමි.
පංච තත්වය‍න් (five elements)

ජ්‍යෝතිෂයට අනුව ගත් කල විශ්වයේ සෑදී ඇත්තේ අග්නි(fire/heat) පෘථිවි(earth,planet,rock or hardness) වායූ(air) ජල(water or liquid) හා අවකාෂ (space-සමහර බටහිර ග්‍රන්තවල sky ලෙසද සඳහන්වේ) යන පංච තත්වය‍නගෙනි. ජ්‍යෝතිෂයට නොවන වෙනත් පාරාවිද්‍යාවන් හා පෙරදිග දර්ශණයන් බොහෝමයක මේ බව මේ ආකරයෙන්ම පිළි‍ ගැනෙන කරුණක්. සමහර ග්‍රන්ත වල මෙය චතුර්(4) තත්වයන් ලෙස සඳහන්වී ඇතතේ අවකාෂය හැර අනිකුත් තත්වයන්(අග්නි, පෘථිවි, වායූ, ජල) ගැනය. අවකාෂය මගින් අනිකුත් තත්වයන්(භූතයන්) අතර අන්තර් සම්භන්ද තාවයක්(එකිනෙක සම්භන්ද කිරීමක්) සිදුකරයි. යම් භෟතික තත්වයක දීර්ඝ කාලීන පැවැත්මට අවකාෂය මගින් ඇති කරන මේ සම්භන්දය අත්‍යාවශ්‍ය වන අතර, මෙම භූතයන් ගේ වෙනස් වීම මත ඒක් ‍ස්ව‍රූපයක සිට තවත් ස්‍වරූපයකට මාරුවීම සිදුවෙයි. විශ්වයේ දීර්ඝ කාලීන පැවැත්මට මෙම පංච භූතයන්ගේ සමබර තාවය අත්‍යාවෂ්‍ය කරුණක් වන අතර එසේ නොවන සෑම අවස්තාවකදීම නැවතත් සමබර වීමට මෙම භූතයන් දරන උත්සාහය නිසා විවිද වෙනස් කම් හටගනී. නිර්වාණය හැර සෑම කරුණක්ම උත්පාද(ඇතිවීම) තිති(පැවතීම) භංග(නැතිවීම) යන කරුණු තුනට යටත් ය. අප සැම වෙසෙන පෘතුවියට ද මෙම තත්වය පොදු‍ කරුණක්.
රාශි චක්‍රය හා භූතයෝ
ඉහත සටහනේ දක්වා ඇත්තේ විවිද රාශීන් තුල අග්නි, පෘථිවි, වායූ, ජල යන තත්වයන් පිහිටා ඇති ආකාරයයි. අවකාෂය සඳහා වෙනම රාශික් දක්වා නැත්තේ සෑම රාශියකම අවකාෂ තත්වය නිවේදන කරන අතර සියළුම තත්වයන් අතර සමබර තාව රැකීම අවකාෂ තත්වයේ වගකීමයි.
සන්තෘප්ත වීම, සමබර(බල)තාවය සහ යින් යැන් (Saturation and Balance)
සෑම විටම අග්නි රාශියකට ප්‍රතිවිරුද්දව වායු රාශියක්ද ජල රාශිකට ප්‍රතිවිරුද්දව පෘථිවි රාශික්ද ඇත. අග්නි තත්වය සන්තෘප්ත කිරීමට වායු තත්වයද වායු තත්වය සන්තෘප්ත කිරීමට අගිනි තත්වයද පෘථිවි තත්වයට සන්තෘප්ත ජල තත්වයද ජල තත්වය සන්තෘප්ත කිරීමට පෘථිවි තත්වයද සෑම විටම සැදී පැහැදී සිටී. මේ අකාරයට යමක් එයට විරුද්ධ දෙයක් සමග ඇතිකර ගන්නා සම්බන්දතාවට යින් යැන් යැයි චීන පාර විද්‍යාවන් හී සඳහන් වේ.
ස්වාභාවික විපත් හා භූතයෝ
යම් ආකාරයකින් කිසියම් තත්වයක් අසම්පෘප්ත භාව‍ට හෝ පීඩාවකට පත්වූ විට එයට ප්‍රතිවිරුද්ද තත්වයට ද පීඩාවේ. සාමාන්යෙන් ස්වාභාවික විපත් එක පිට එක ඒමට මෙම ස්වභාවය හේතුවෙන භව සිතිය හැක. ආසන්නතම උදාහරණ වන මියන්මාරයේ සුළි සුළඟක් ඇතිවීම හා ඒ ආසන්න කාලයේ ඉන්දියාවටද සුළි සුළඟක් ඇතිවීම හා ඕස්ට්‍රේලියාව ප්‍රදේශයක් මීදුමෙන් වැසී යාම ආදීය වායු තත්වයේ අසම්පෘප්ත තවය නිසා සිදුවූ අතර ඒ ආසන්න කාලයේම චීනයේ භූමි කම්පාවක් සිදුවිය. මෙය අසම්පෘප්ත වායු තත්වය සන්තෘප්ත කරනු වස් අග්නි තත්වය දක්වන ප්‍රතිචාරය වන අතර සෑම විටම වායු තත්වය පීඩා වීම සමග අග්නි තත්වටද තම සමබර(සහ සමබල) තාවය රැකැ ගැනීමට අපහසු වේ.
පෘථිවියේ අභ්‍යන්තරය අග්නි හා ජල තත්ව ප්‍රබල වේ(ලාවා). ඒ නීසා යම් කිසි අයුරකින් පෘථිවියේ ජල තත්වය පීඩා වීනම් අභ්‍යන්තර ජල තත්වයද පීඩා විය හැකි අතර එය ගිනි කඳු පිපිරීමක් හෝ භූමිකම්පාවක් ලෙස පිටවිය හැක. ඒ අනුව සුනාමි වැනි සොභාවික විපත් ඇතිවීමට මේසේ පෘථිව අභ්‍යන්තර හා භාහිර ජල තත්වයන් පීඩා වීම අත්‍යාවශ්‍යය. සාමාන්යෙන් ගංවතුර හා මහ වර්ෂා ඇදහැලීමට පෘථිවිතත්වය සහ වායු තත්වය පිඩාවිය යුතුය.
ප.ලි.
මීට පෙර ලියූ මියන්මාරයේ (බුරුම‍යේ) සුළිසුළඟ යන ලිපියේ සඳහන්වූ පරිදිම 1/5/2008 - 21/6/2008 කාලය තුල ‍පෘථිවියේ කොතැනකින් හෝ මහාපරිමාණයේ - සුළි සුළං, ටෝනඩෝ, අකල් වැසි, භූමි කම්පාවන් හා ගිනිකඳු පිපිරීම් වාර්තා වියහැකියි. තව දුරටත් පැදිලි කරන්නේ නම් මේ ලිපියේ සඳහන් කල ඇති පරිදි දැනට පීඩා වි ඇති වායු තත්වය හා එය සන්තෘප්ත කිරීමට වෙරදන අග්නි තත්වය නිසා ඇතිවිය හැකි ආකාරයේ ‍සොභාවික විපත් ඇතිවිය හැකි බවයි.

Comments

Wiz Kun said…
රූප සටහනකින් දැක්වූ විට හොඳින් තේරෙනවා. සෑම දෙයක්ම පවතින්නේ එයට ප්‍රදිවිරුද්ධ ලක්ශනය පවතින නිසාය. මක් නිසාද යත් අප දෙයක් අවබෝධ (ග්‍රහනය) කර ගන්නේ වෙනසක් ඇති විටය.

අපට සීතල යන්න අවබෝධ වන්නේ උණුසුම යන්න අවබෝධ වන නිසාද නැතිනම් උණුසුම යන්න අවබෝධ වන්නේ සීතල යන්න අවබෝධ වන නිසාද නොව ඒ දෙකෙහි ප්‍රතිවිරුද්ධතාවය නිසාය.

Liber Lux පොතේ ඇති පරිදි:
ද්වී තාවය මනුශ්‍ය ස්වභාවය පැහැදිලි කරන ලාක්ශණිකයකි. සතුට පවතින්නේ දුක නිසාය, වේදනාව - සුවය නිසාය, හොඳ - නරක නිසාය, යැංග් - යින් නිසාය. කළු - සුදු නිසාය, උපත - මරණය නිසාය, පැවැත්ම - නොපැවැත්ම නිසාය, සියලු සංසිද්ධීන් යුගල ලෙස පවතී, මක් නිසාද යත් අපගේ සංවේදනයන් හුරු වී ඇත්තේ හඳුනාගැනීමටය. අප සිතන මනසට එයට හසු වන සියල්ල දෙකොටසකට බෙදා විශ්ලේශනය කිරීමේ හැකියාව ඇත, ඒ කෙසේද යත් මනස පවා ද්වීතාවයෙන් යුතුය.

ශාස්ත්‍රීය විකා (Wicca) සහ Witchcraft වලදී අග්නි ධාතුවට ප්‍රතිවිරුද්ධය ලෙස ගැනෙන්නේ ජල ධාතුවයි. නමුත් Enochian magic, Heigher Magick වැනි විශයයන් වලදීනම් අග්නි ධාතුවට ප්‍රතිවිරුද්ධය ලෙස ගැනෙන්නේ වායෝ ධාතුවයි.

පස් වෙනි ධාතුව Aither ලෙසද හැඳින්වේ. තවද තවත් සමහර පොත් වල පස් වෙනි ධාතුව ජීවය ලෙසත් Aither සය වන ධාතුව ලෙස මේ සියල්ල එකට බැඳ තබන බවත් ලියැවී තිබෙනවා.

ජීවය -> වායුව -> ගින්දර -> පොලොව -> ජලය යන දක්ශිනාවර්ත චක්‍රය නිර්මානය වීම ලෙසත්. එහි අනෙක් පැත්ත, එනම් ජලය - පොලොව - ගින්දර - වායුව - ජීවය යන වාමාවර්ත චක්‍රය බිඳ වැටීම ලෙසත් සමහර පොත් වල සඳහන්.
Anonymous said…
ඔබේ අඩවියට ආ පලමු අවස්ථාව මෙය වන අතර එහිදි මා දැන ගත් දැ බොහොයි. මං දැනං හිටියේ නැති කාරණා කීපයක් ගැනම මං දැන ගත්තා. තවදුරටත් ලිපි ලිවිමට හැකි වේවා. :)

Popular posts from this blog

බැලුම්ගල කුහක මධ්‍ය කරණය

වසරකට ආසන්න කාලයක් ලිපියක් නොලියූ මට ලිපියක් ලියන්නට ප්‍රස්තුතයක් වූයේ මේ බැලුම්ගල වැඩ සටහන යි. ආරම්භයක් ලෙස එම වැඩසටහනේ සවන්දීමට ආරධනා කරමි.



මම මේ ලිපිය ලියන්නට පටන් ගන්නේම බැලුම්ගල වැඩසටහනේ ඇති ළාබාල අතාර්කික ක්‍රමයකින් විවේචනය කරන ක්‍රමවේදය හෙළා දැකීමට බැවින්, සාධාරණ අපක්ෂපාතී, ලිවීමක් විවරණයක් මා තුළින් බලාපොරොත්තු නොවන්න. භද්‍රජී මහින්ද ජයතිලකගේ Diehard fan කෙනෙක් බැවින් තව දුරටත් එය එසේ නොවෙනු ඇත.

2002 හෝ ඊට ආසන්න කාලයක දිනක් කොළඹ මහජන පුස්තකාලය තුළ අමුතු තාලයේ පොතක් මට හමුවුනා. එහි නම "විශ්ව ශක්තිය හා චක්‍ර" හෝ එයට ආසන්න නමක් ලෙසයි මට මතක. එහි රචකයා වූයේ භද්‍රජී හින්ද ජයතිලයන්ම තමයි. ඒ වන විට ලංකාව තුළ විශ්ව ශක්තිය නමින් හෝ රේඛී නමින් හෝ කිසිවක් විද්‍යුත් මාධ්‍ය වල පල නොවුනු කාලයක්. භද්‍රජී ගැන මම ඒවන විට 70 ගීත ගායකයෙක් සහ ගීතරචකයෙක් ලෙස දැන සිටියත් ඔහු ගැන පුද්ගලිකව සෙයාබැලීමට උනන්දු වූයේ ඒ පොත කියවීමෙන් පසුවයි.

කාලයත් සමග ලංකාව තුළ විශ්ව ශක්ති හොරුන් ලෙඩ රෝග සුව කරන එලොවින් ආ ජීවිකයන් ගෙන් පිරී ගියේය. ඒ සැවොම මිනිසුන්ගෙන් ලක්ෂ ගණන් මුදල් වංචාකොට අතුරුදහන් විය. විශ්…

Apple Mac පරිගණක සඳහා සිංහල යතුරු ලියන පහසුකම (Wijesekara Keylayout))

වසර ගනණක කඩවුනු පොරොන්දුවක් ඉටු කරන්නයි යන්නේ. මේ ඇපල් පරිගණක සඳහා සිංහල යතුරු පොවරුව නිර්මාණයකරලා වසරක් පමණ ගත වුවත් අද තමයි නිලවශයෙන් නිකුත් කරන්නේ. පහුගිය බ්ලොග් කරුවන්ගේ සංසදයේ හමුවේදීත් මෙය ලබාදෙන බවට මම පොරොන්දු වුනත් නිකුත් කරගන්නට හැකියාවක් ලැබුනේ නෑ. පරිගණකයට ස්ථාපනය කරගන්නා ආකාරය හා බාගත කිරීමේ යොමු පහත දක්වා ඇත.

පළමුව sinhala-wije.keylayout ගොනුව මේ යොමුවෙන් බාගත(download) කරන්න. (download නොවේනම් right click කර save link as යන්න තෝරන්න.)

ඉන් පසු ඔබගේ මැකින්ටෝෂ් පරිගණකයේ Finder වැඩසටහනට පිවිසී Go > Computer වෙතට යන්න. මේ මගින් ඔබගේ account එකට අදාල Folder එක විවෘතවේ.එහි Machintosh HD තුල පිවසී Library & Keyboard layouts යන ෆොල්ඩරයට පිවිසෙන්න.දැන් බාගත කරන ලද sinhala-wije.keylayout ගොනුව එම ෆොල්ඩරය(Library>Keyboard Layouts) වෙතට කොපි කරගන්න.දැන් පරිගනකයෙන් Log offවෙන්න නැතිනම් පරිගණකය Restart කරන්න.ඉන් පසු System Preferences > Language & Text වෙත පිවිස Input Sources ටැබ් එක විවෘත කරන්න. එහි sinhala-wije යන්න තෝරාන්න (checkbox එක ‍select කරන්න)අවශ්‍යනම් keboar…

ලංකාවෙන් පිට රටට යන සල්ලි නවත්තන්න එටිසෙලාට් සිම් එක කැඩුව නේ ද?

කමක් නෑ ඊට කලින් කරන්න තව වැඩ ටිකක් තියෙනවා. කැඩුවත් නැතත් මේ ටිකත් කරන්න පුළුවන් නම් අපේ රට ගොඩ දාගන්න පුළුවන්.

1. දුරකථන අංකයක් ව්‍යාපාරිකයන් වෙනස් කරන්න කැමති වෙන්නේ නෑ. ඔවුනට අදාල අංකය මිස ආයතනය මොකක්ද කියන එක නෙමෙයි. ඒක නිසා TRC එකට බල කරන්න ඕන Number Portability පහසු කම පාරිභෝගියන්ට ලබා දෙන්න කියලා. ඒ කිව්වෙ. අංකය වෙනස් නොකර ඩයලොග් වලින් මොබිටෙල් වලට හරි, එටිසෙලාට් වලින් ඩයලොග් වලට හරි මාරුවෙන්න තියෙන පොරිභෝගික අයිතිය නිත්‍යානු කූල කරන්න කියලා රජයට බල කරන එක. දැනට මේ නීතිය ක්‍රියාත්මක නොකරන්න් Etisalat සහ Dialog කියන කම්පැනි දෙක කඩා වැටේවි කියන බයට. රජය ඉන්න ඕන මිනිස්සුන්ගේ පැත්තේ මිස ආයතනවල පැත්තේ නෙමෙයි. ඒ ආයතන වල රැකියා කරන අයත් ආරකෂා කරගත යුතුයි. නමුත් පාරිභෝගික අයිතියට සෑම විට මුල් තැන ලබා දීම රජයක් සතු වගකීමක්.

2. පැට්‍රල් වලින් ඩීසල් වලින් දුවන වාහන Electic වාහන වලට මාරු වෙමු ද? අඩුම තරමේ Hybrid එකකටවත්. වාහන වල ටැක්ස් වැඩියිනම් ඒකටත් රජයට බල කරමු ටැක්ස් අඩු කරලා පරිසර හිතකාමී වාහන දිරිගන්වන්න කියලා. ඒ වගේම සූර්‍ය පැනලයක් ගෙදර හයි කරගෙන පුද්ගලික දැවිතෙල් භාවිතය ශූන්‍යය කර…