Thursday, November 27, 2008

PIDGIN Facebook plugin

සීමාසහිත භාගත කිරීමක් සහිත අන්තර්ජාල පහසුකම් ඇති අයගේ දැන ගැනීම පිනිස.

ළඟදි මම චැටි කරන්න pidgin භාගත කළා. ‍ඒකේ ෆේස්බුක් චැට් එක නැති නිසා ඒකටත් ඔන්න ගූගල් කොඩ් වල තිබුනු ‍ඕපන් සෝස් ප්ලගින් එකක් දාගත්තා. ඊට පස්සේ කාලිංග ගේ බ්ලොග් එකේ තිබුනු විදියට යුනිකෝඩ් ප්‍රශ්න ටිකත් විසඳ ගත්තා. අවුලක්නෑ. ගින්දර වගේ වැඩ. ඕන්න අද උදේ වෙනකොට මම මේ මාසෙටම ඩවුන්ලෝඩ් කරල තිබ්බේ 1.45GB හවස බලනකොට 2.5GB වෙලා. ඔන්න එතකොටයි තුරු පෙනුනේ. මම භාවිතා කරන්නේ නිතර ලෙඩ දෙන ඩයලොග් HSDPA කනෙක්ෂන් එකක්. ‍මාසේ ඇතුලත කොහොම හරි 5GB වලින් ෂේප් වෙනවා. බැලින්නම් අර pidgin-facebookchat එක තමයි ඔය වැඩේ කරල තියෙන්නේ. දැනට pidgin හා සීමාසහිත භාගත කිරීමක් සහිත අය http://code.google.com/p/pidgin-facebookchat/downloads/list කියන ප්ලගින් එකෙන් ප්‍රා‍වේසම් වුනොත් හොඳා.

Friday, November 21, 2008

zeebra

කළු ඉරි සහිත සුදු සතෙක් ද? සුදු ඉරි සහිත කළු සතෙක් ද?

Tuesday, November 18, 2008

හොරා

මෑතකදී සිදුවුනු සිද්දීන් දාමයක් නිසා මේ කතාව ලියන්න හිතුනා.

මේ සිද්ධිය වෙනකොට මම හිටියේ ඉසිපතන විද්‍යාලයේ 10 ව‍සරේ. මම පාසලේ බ්‍රයිට් පොරක් නම් නෙවෙයි. යන්තන් වාර විභාගේ ගොඩ යනව විතරයි. කවර දාවත්ම ගෙදරදි පාඩම් වැඩැක් කියල දෙයක් කරන්නේ නෑ. ඕලෙවෙල් ලඟ වුනත් ඒක එච්චර ලොකුවට හිතුවෙ නෑ. කොහොම හරි ඒලෙවල් කරන්න ගොඩ ගියොත් ඇති කියලා තමයි හිතන් හටියේ. එකදු උපකාර පංතියකට වත් ගියේ නෑ. ඕන කමක් තිබුනෙත් නෑ. 10 ශ්‍රේණියේ මැදක ඉඳන් ගණිතයට තියන ආසවට හා දහම් පාසලේ යළුවො සෙට්එක කියපු නිසා උපකාරක පංතියට ගියා.

‍කුඩා කාලේ ඉඳන් මගේ ප්‍රියතමත විෂය තමයි විද්‍යාව සහ ගණිතය. විද්‍යාවට කොච්චර ආසද කියනවනම්. 11 වසර දක්වා විද්‍යාව සඳහා ලැබන මුද්‍රිත පොත් සියල්ල 8 වසරේදිම කියවල හමාරයි. ඒත් ඉතින් පංතියේ විද්‍යාව පාඩම යනකොට මම දන්න දේවල්ම කියවන නිසා පො‍රක් වෙන්න කියලා මම උත්ත‍ර දෙන්න යන්නේ නෑ. කරබාගෙන ඉන්නවා. සාමන්යෙන් විද්‍යාවට වුනත් මම වැඩි ලකුණු ප්‍රමාණයක් ගන්න කෙනක් නෙමෙයි. මොකද විභාගෙට කියලා ලොකුවට හිතන්නේ නැති නිසා ඔහේ විභාගෙට ගිහින් ලියල එනවා. සමහර දවස්වලට විභගෙ ඉක්මනට ලියපු අයට කලින් ගෙදර යන්නත් දෙනවා. විභාගය කියලා නෑ පට පට ගාල මොනවහරි ලියලා ගෙදර දුවනවා. ඒක නිසා කොහොමටත් මාව පංතිය තුල වැඩි කැපී පෙනීමකට ලක්වුනේ නෑ. මට එහම කරන්න ඕන කමක් තිබුනෙත් නෑ.

ඔන්න ඉතින් 10 වසර අවසාන වාර පරීක්ෂණය දවස් අවා. විද්‍යාව පේපර් එකත් අවා. ඒකටත් දන්න දන්න විදයට උත්තර ලීවා. එච්චරයි. පංතියේ හැම ළමයෙක්ම වගේ මේ පාර විද්‍යාව පේපර් එක අමාරුයි කියනවා. මටනම් ඉතින් එච්චර ගානක් නෑ. විභාගෙ ඉවර වෙලා වුනත් කොයි වෙලාවෙත් බලන්නේ ගයාන් එක්ක(පංතියේ සිටි මිතුරෙක්ක) චෙස් ගේමක් ගහන්න. කොහොමටත් මට ගයාන්ව පරද්දන්න හම්බු වෙන්නේ ඉඳල හිටල තමයි.

දැන් විභාහගයත් ඉවරයි. පංති වල ඉගැන්වීම් කටයුතු කලේ නැතත් ඉස්කෝලේ එනවා. මොකද ගෙදර හිටියා කියලා තනියෙන් චෙස් ගේමක් වත් ගහන්න පුළුවනෑ. දැන් ඉතින් ගුරුවරු උත්තර පත්ත්‍ර බලනවා. අපිට ආරංචියක් ආව විද්‍යාව බාර සිල්වියා ගුරුතුමියත් ඔන්න දැන් උත්තර බලනවා කියලා. කට්ටි කියනවා මේපාර විද්‍යාවටනම් ලකුණු ‍අඩු ඇති කියලා. මම ගයාන්ට කිව්වා මට නම් අඩුම තරමේ ලකුණු 80ක් වත් ඇති කියලා. මිනිහත් එච්චරම ගණන් ගත්තේ නෑ. පංතියේ සෙට් එකම ගියා ඔන්න ලකුණු බලා ගන්න.

කවුද සමීර කියන්නේ. මිස් මම දසුන් සමීර. ආ ඔයාද? ඔයා විද්‍යාවට ක්ලාස් යනව ද? නෑ මිස්. ඔයාගේ කවුරු හරි නැදෑයෙක් ඉන්නවද විද්‍යාව උගන්නවන? නෑ මිස් එහම කෙනෙක් නෑ. ඔයාට කොහොම හරි විභාගෙට කලින් උත්තර පත්තරේ ලැබිල තියෙනවා. ඔයා ගේ උත්තර හරියටම උත්තර පත්තරේ උත්තර වලට සමානයි. මේ බලන්න උතතර පත්තරේ ලියල තියනවා B හී දීප්තිය වැඩියි. ඔයාගේ උත්තරේ B හී දීප්තිය වැඩියි. මේවගේ සමාන ඒවා ‍ගොඩක් ඔයාගේ උත්තර වල තියනවා. අනිත් එක මේ පාඩම අපි කරලත් නෑ. ඔයා ක්ලාස් යන්නේ නැතිනම් කියල දුන්නේ නැති දේවල් දන්නේ කො‍හොමද? අනිත් එක මේ සෙක්ෂන් එකේම දක්ෂම ළමයි පවා මේ ප්‍රශ්ණ පත්තරේට අඩු ලකුණු අරන් තියන්නේ. ඔයාට ලකුණු 84ක් තියනවා. මේ වෙනකොට ඇය පංතියක උගන්වමින් හිටියේ ඒ 8 වසර හෝ 7 වසර මල්ලිලා කට්ටියකට. ළමයි මේ බලන්න මේ අයියා හොරෙක්. එයාට විභාගෙට කලින් පිළිතුරු පත්තරේ ලැබිලා. ඔ‍යගෙල්ලෝ මේ වැගේ වැඩ කරන්න ‍එපා. වරදක් කලොත් කවද හරි අහුවෙනවා.

මට කිසිවක් සිතා ගත නොහැකි විය. මම නිරුත්තර විමි. මගේ මුවින් කිසිදු වචනයක් පිට කල නොහැකි තත්වයකයි මම හිටියේ. උ‍ගුරේ යමක් හිර වලො වගේ කියලා මට දැනුනා. මට ඔයාට මීට වඩා දෙයක් කරන්න පුළුවන් ඒත් මම එහෙම කරන්නේ නෑ. මම ඔයාට ගත්ත ලකුණු ඒ විදයටම දෙනවා. ඊට පස්සේ මොනව වුනාද කිලා මට තාම මතක නෑ. ඇයි මම කට වහන් හිටියේ මට තිබුනේ එවෙලෙම අහන ඕන ප්‍රශ්ණයක්ට උත්තර දෙනවා කියලා කියන්න. නැතිනම් මුළු පේපර් එකම අයිත් එතන ඉඳන් කරල දීල එන්න. ඔය වගේ ගොඩක් දේවල් මගේ ඔළුවට ආවා. කොහොම වුනත් ගයාන් සහ මම ලඟින් ඇසුරු කරපු ළමයි කීපදෙනක් මගේ පැත්තේ හිටියා. එත් මුළු සෙක්ෂන් එකේම වගේ මේ ආරංචිය පැතිර ගිහින් තිබුනා. සමහර අය මගෙන් ඇවිත් අහනවා උඹ කොපි කරන්න ගිහින් මාට්ටු වුනා නේද කියලා. මම හිනා වෙනවා. වෙන මොනව කියන්නද?

මම මේ ගැන ඉලෙක්ට්‍රොන්කි පංතියේ ගුරුවරයාට දැන්වුවා. මමත් ඔහුට කිව්වේ කොහොමද මගේ උත්තර උතත්ර පත්‍රයේ උත්තර වලට සමාන වුනේ කියලා මටත් හිතා ගන්න බැහැ කියලා. ඔහු දුන් උත්තරය මට ඉතා සැනසිලි දායක එකක් විය. ඔයා ගිහින් කියන්න මිස්ට අපි යමක් හරියට ඉගන ගත්තානම් තියන්න පුළුවන් එක උත්තරය යි. එක නිසා උත්තර පත්‍රය වෙනින් උත්තරයක් තිබුනොත් තමා ගැටළුව කියලා. අනිත් එක මම සාමාන්‍ය යෙන් උත්තර ලියනකොට මට පුළුවන් ආකාරයෙන් ඒක කියන්න තියන කෙටිම සහ හොඳම ක්‍රයට තමයි ලියන්නේ. ඉතින් උත්තර පත්‍රයත් එහෙම එකක් වෙන්න එපෑයි. මටම හිතුනා.

ඊලඟ දවසේ මම විවේක කාලයේ පිට්ටනියේ තනිව ඇවිදමින් සිටියා. විවේක කා‍ලයේ පිට්ටනියේ තනිව ඇවි‍දීමේ පුරුද්දක් මට 3 ව‍සරේ ඉඳන් තිබුනා. ඔන්න එතකොටම මල්ලි කෙනෙක් ඇවිත් තවත් මල්ලි කෙනක්ව පෙන්නමින් “අයියේ මෙන්න මෙයා ඔයාටත් වඩා ‍‍ලොකු හොරෙක්” කියලා මට පෙන්නුවා. මා මුව කොනින් සිනා සී ඔහු දෙන බලුවා. එදා ගුරුතුමිය උග්නවමින් සිටි පංතියේ සිසුවෙකු විය යුතුයි.

ඊලඟ වාරය උදාවිය. දැන් මට අභියෝගයක් ඇත. ඒ මම නිකමෙකු නොවන බව සිල්වියා මිස්ට ඒත්තු ගැන්වීමයි. ඊට ඇති ‍හොඳම අවස්තාව ඊලඟ වාර විභාගය බව මම හොඳටම දනී. ගැටළුව විසඳුම හා මාර්ගය සියල් පැහැදිලිය. දැන් ඇත්තේ ක්‍රියාත්මක වීම පමණයි. එදා සිට මට විද්‍යාව පොතේ පිටුවක් නෑර මතකය. මූද්‍රණ දෝෂ පවා මතකය. පිටුව අංකය පවා ‍හොඳින් මතකය. නමුත් පංතියේ දී සාමාන්‍ය ලෙස හැසිරෙමින් අන්තිමට ගේම ගහන්න හිතා ගත්තා. කොහොමින් කොහොම හරි කාලයත් ගෙවී ගියා. වසර මැද වාර විභාගය පත්‍රිකාව සාදන්නේ එම ගුරුතුමිය මයි. නියමයි. ‍මේ වතාවේ ‍උත්තර පත්‍රය ගන්නවනම් ඉතින් සිල්වියා මිස් ගෙන්ම ගන්න එපැයි. ;)

විභාග දිනයද ලඟාවිය. මට ෆුල් හැපි. පිළිතුරුද ලියා ලකුණුද ලැබෙන දින ලඟාවිය. ඔන්න දැන් සිල්වියා ගුරුතුමිය නම සහ ලකුණු කියමින් පිළිතුර පත්‍ර ලබ‍ දෙනවා. ඒ අතර පංතියේ ලමයෙකුගේ නමක් කියා ඔහුට ලකුණු 94ක් ලැබී ඇති බව පැවසුවා. ඔයාට තමයිස්ට් මාර්ක් තියෙන්නේ. අයියෝ මගේ සිහිනය කඩා වැටුනා. දැන්නම් ඉතින් ඉඳල හමාරයි ලකුණු කීයක් ගත්තත් වැඩැක් නෑ. ඔය අතරේ දසුන් සමීර කියන නමද ඇසුනා. මමත් ගියා, ලකුණු ගැන සඳහනක් නොකර ඇය ‍මගේ අතට පළිතුරු පත්‍රය ලබා දුන්නා. ලකුණු 94යි . අහ් මම හයස්ට්‍ නෙමෙයි වුනාට හයස්ට් ගත්ත එක්කෙනාට සමාන ලකුණු අරන් තියෙනවා.

මම හොරෙක්ය කියන ප්‍රවෘතිය තරම් මේ ප්‍රවෘතිය ජනප්‍රිය වුනේ නෑ. කොහොම වුනත් මේ සිද්ධිය නිසා කිසිදු අරමුනකින් තොරව සිටිමට අරමුනක් ලැබුනා. සමහර විට මේ සිද්ධිය නොවන්නට මගේ ජීවිත කථාව මීට ගොඩක් වෙනස් වෙනන් තිබුනා. ඒ වෙලාවේ කොච්චර දුක හිතුනත් ඒ සිද්ධි ‍මගේ මුළු ජී‍වතේටම ආශිර්වාදයක් වුනා.

ඔන්න දැන් අවසාන වාර විභාගයත් අවසන්ව O/L සඳහා මුහුන දීමට පෙර පාසල් යන අවසන් දියනද උදා වුනා. විෂය භාර ගුරුවරු ගාවට එක්කගෙන යන්න ඕනා. විද්‍යාව භාර ගුරුතුමිය ගාවටත් ‍ඔන්න මං අපේ තාත්තාව එක්කරගෙන ගියා. ඈතදීම මා සහ පියා දුටු ඈ. ෂුවර් ඒකටම A එකක්. කථා කරන්න දෙයක් නෑ මට හොඳටම ෂුවර් මෙයා A එකක් ගන්නවා කියලා.

Friday, November 14, 2008

FOSS වලින් වෛරස්

FOSS මෘදුකංග සමග ඔබ ‍පරිගණකයට වෛරස.


Ref:
http://ethalaya.com/slt.html
සයිබර් සොරුන්ගෙන් ආරක්ෂා වෙමු කියන අනු මාතෘකාව යටතේ
උපුටා දැකවීම.
-----------------------------------
ඔහු තවදුරටත් පැවසුවේ, නොමිලේ ඉන්ටර්නෙට් තුළින් ලබාගත හැකි මෘදුකාංග (free and open source software) බා ගැනීමේදී ප්‍රවේශම් විය යුතු බවය. එසේ ලබාගත හැකි ඇතැම් මෘදුකාංග සමග අනවශ්‍ය හා හානිකර දෑ තම පරිගණකයට ඇතුළු වීමේ අවස්ථාවක් ද ඇත.
-----------------------------------
උපුටා දැක්වීම අවසන්.

මේක දැක්කම මට හිතා ගන්න බැරුව ගියා මොනාද මේ කියන්නේ කියලා. නිකමට වගේ අන්තර්ජාලයේ සිංහලයා(www.ethalaya.com) අඩවියේ සැරි සරන විට දුවුව කරුණක්. බොහෝ දුරට මේක පරිවර්තන දොෂයක් විය හැකියි. නමුත් නම ගිය මාධ්‍ය ආයතනයක් ලෙස මීට වඩා වගකීමකින් කටයුතු කරන්න ඕන කියල තමයි කියන්න තියෙන්නේ. කොහොම වුනත් මේ ආයතනය නමගිය ග්රේට් මිස්ටේක් ගණනාවකටම වැරදිකාරයෝ වෙලා තියෙන බව තතු දත්තෝ දනිති.

කොහෙම වුනත් ජෙෆ් ෆොක්ස් ඇත්තටම මේවගේ දෙයක් කිව්වද කියලා මටත් ෂුවර් නෑ. හරියටම දන්න කේනෙක් ඉන්නවනම් දන්වන්න.

ආර්ථික දියුණුව

ලංකාව දුප්පත් රටක් නෑ නෑ දියුණු වෙමින් පවතින රටක්. අනේ මන්දන් නෑ කොහොම වුනත් ලංකාව ආර්ථික වශයිනේ දියුණු රටක් නෙමෙයි. මේකට ‍රට අනුගමනය කරන ආර්ථික ප්‍රතිපත්ති ව‍ල හා රජයේ වගකීමක් තියෙන්න පුළුවන් ඒත් මම දැන් කථා කරන්න ය‍න්නේ ඒ ගැන නෙමෙයි.

මෙතනදී තනි තනි වශයෙන් පුරවැසියෙකුටත් යම් වගකීමක් තියෙනවා. මම දැකල තියෙනවා සමහරු ඉතාමත් කැපවීමෙන් උත්සහ ගන්නවා ආර්ථික දියුණුවක් ලඟා කරගන්න. සමහරු සාර්ථක වෙනවා ඒත් කොච්චර උත්සහ කළත් අසාර්ථක වෙන අයත් ඉන්නවා. ‍කෙටි උත්සාහයකින් විශාල සාර්තක්වයක් ඉක්මනින් ලඟා කරගත් අයත් ඉන්නවා.

මම ඔබ සැමදෙනාටම ආරාධනා කරනවා ආර්ථික දියුණුවක් කරා ලඟාවිමට හැකියැයි ඔබ සිතන දේවල් සිංහල බ්ලොග් අවකාශය නිදහස් කරන ලෙස.

මේ සඳහා ඔබගේ අදහස් ඉතාමත් වටිනවා. මිනිස්සු සක්විති ව‍ගේ වංචා කාරයන්ට යටකරන සල්ලි තමන්ගේම යමකින් විශ්වාසනීය ලෙස ආර්ථික වාසියක් ලබාගන්න යොදව ගන්න යොමු කරවන්න මේක උදව් වෙන්න පුළුවන්. මේ සඳහා ඔබට දායක විය හැකි ආකාර කිපයක් මගේ සිහියට එනවා. අඩු පාඩු තියෙනව නම් කියන්න.

  • ඔබ අතරින් ‍සමහරෙක් ඉතාමත් කුඩාවට පටන් ගත් ව්‍යාපාරයක් සාර්ථකවූ අන්දම අපට විස්තර කරන්න. ඔබේ අත් දැකීම් ඒ අයට ශක්තියක් වේවි.
  • ආර්ථික විද්‍යාව, කළමණාකරනය, බදු ,ණය වගේ විෂයානු බද්ධ දැනුම ලභා දීම මගින් දැනුවත් කිරීම. ප්‍රයොගිකව බදු , ණය, කල් බදු, කොටස් වෙළඳ පොල වගේ අංශයන් ගෙන් අතපුළුස්සා නොගන වැඩ ගන්න අන්දම ගැන දැනුවත් කිරීමත් මීට ඇතුලත්.
  • ශ්‍රී ලංකාව තුල සාර්තකව ආරම්භ කළ හැකි ව්‍යාපාර සවයං රැකියා පිළිබඳ ඔබේ දැනුම බ්ලොග් සටහන් මගින් පල කිරීම.
  • පුද්ගලයන් සතු විවිධ හැකියා හා දැනුම නිවැරදිව මුල්‍යමය වටිනාකමක් ‍ලැබෙන ලෙස වර්ධනය කිරීම හෝ පරිවර්තනය කිරීම ගැන සටහන් කරනය. උදාහරණයක්‍ ලෙස බ්ලොග් කරනයේ යෙදන්නෙකුට දැන්වීම් ප්‍රචාරය මගින් ආයම් ලබාගන්නා ආකාරය දැක්විය හැකියි.

Sunday, November 9, 2008

ග්‍රහයන්ට මිනිසුන්ට බලපෑමක් ඇති කළ හැකිද?

පෙර සටහනකදී දැක්වූ උදිත ගේ ‍ප්‍රතිචාරය නිසා මෙම සටහන ලියන්නට සිතුනා. මෙහි සඳහන් කරුණු මගේ පුද්ගලික අදහස් බැවින් ඒවා සාවද්‍ය වීමට හෝ ශාස්ත්‍රීය මතයට නොගැලපීමට හෝ ඉඩ ඇත.

ගැටළුව
ග්‍රහයන්ට මිනිසුන්ට බලපෑම් කළ හැකිද? මේ සඳහා විද්‍යාත්මක හෝ තාර්කික පිළිතුරක් ඇතිද?
මම මේ පිළිබඳ විද්‍යානු කූල නොවූවත් තර්කානු කූල අදහසක් ඉදිරිපත් කරමි.

මේ ගැන ඔබ බොහෝ දෙනා තුල අංශුමාත්‍ර හෝ සැකයක් කිසියම් දිනක ඇති වී නොතිබිය නොහැක. සාමාන්යෙන් ජ්‍යෝතිෂයේදී ග්‍රහයන් පිළිබඳ ශාස්ත්‍රීය පැහැදිලි කිරීමක් පෙර ලිපිය මගින් ඔබට ලබා ගත හැක.

පිළිතුර කරා ලඟාවීමට ප්‍රථමයෙන් අවධාරණය කළ යුතු කාරණා කිපයක්ම ඇති බැවින් මුල් කොටස් වලින් ඒ ගැන පැහැදිලි කිරීමට බලපොරොත්තු වෙනවා.

පූර්ව කථනයකට අවසර!
මීට වසර 4කට පමණ පෙර මම ජ්‍යෝතිෂය හෝ කිසිදු පාරා විද්‍යාවක් බිඳකුදු පිලිගත්තේ නෑ. මාගේ මිතුරෙකු මගින් දැන හඳුනා ගත් එක්තරා මහත්මයෙකු ඉතා හොඳින් ජ්‍යෝතිෂය දන්නා බවත් ඔහු ඉතා හොඳින් අනාවැකි පවසන බවත් මා මිතුරා පැවසුවා. ඔහු හමුවු දිනයකදී විනෝදයට මෙන් මගේ උපන් වේලාව දුන්නා. පුදුමයකට මෙන් ඔහු මගේ නිවසො සොභාවය සහොදර සහෝදරියන් ගණන ආදී ඇදහිය නොහැකි කාරණා කීපයක්ම ප්‍රකාශ කළා. නමුත් ග්‍රහන්ට මිනිසුන්ට බල පෑමක් කළ හැකිද? යන ගැටළුවට පළිතුරක් ලැබුනේ නෑ. ඉන් පසු ජ්‍යෝතිෂ ග්‍රන්ත කීපයක් මගින් හැදෑරීමට උත්සහ කළද නිසි පිළිතුරක් ලැබුනේ නෑ. පසුව ජ්‍යෝතිෂ මෘදුකාංගය නිර්මාණය කරන කාලය තුල ගුරුවරුන් කීප දෙනුකුගෙන්ම නිරා‍යාසයෙන්ම ජ්‍යෝතිෂ පිළිබඳ න්‍යානු කූල ඉගැන්වීම් ලැබුනා. ඒවා ඉතා හොඳින් ක්‍රියා කරන බව පෙනුනා. නමුත් මෙමගින් අනාවැකි කියුවද ග්‍රහයන් මගින් මිනිසුන්ට බල පෑම් ඇති කරනුයේ කෙසේද යන්න කොතනකදීවත් සඳහනක් නෑ.

කේන්ද්‍ර සටහනක් යනු කුමක්ද?
යම් නිශ්චිත වේලාවකට හා ස්ථානයකට අනුව අහසේ ග්‍රහ පිහිටීම් හා නැගෙන හිර අහසේ පිහිටීම් ආදිය ඇතුලත් සටහනක්.

ජ්‍යෝතිෂයේ අනාවැකි කියන්නේ කෙසේද?
සාමාන්‍ය ප්‍රසිද්ධම ක්‍රමය යම් පුද්ගලෙයකු උපන් වේලාව හා ස්ථානය අනුව කේන්ද්‍ර සටහනක් සකස් කර ඒ මත අනාවැකි ප්‍රකාෂ කිරීමයි. අතීතයේ ප්‍රතිසන්ධි කේද්‍රය නම් කේන්ද්‍ර සටහනක් භාවිතා වුනා. ඒ දරුවා කුස තුල පිළිසිඳ ගත් අවස්තාවට සකස් කරන ලද කේන්ද්‍ර සටහනක්. එසේම ගැහැනු දරුවෙකුනම් වැඩිවියට පත් අවස්තාවේද කේන්ද්‍ර සටහනක් ද මරණය සිදුවූ වේලාව හා ස්ථානයට ආධාන කේන්ද්‍ර සටහනක් ද නිර්මාණය කල හැකි අතර ඒමගින් ඊලඟ භාවයේ සොබාවය ගැන තීරණය කරනවා.එසේම කාලයත් සමග ග්‍රහයන්ගේ උපන් කේන්ද්‍ර සටහනට සාපේක්ෂව සිදුවන වෙනසඅනුව යම් බලපෑමක් වන බවද විශ්වාස කෙරෙනවා.

නමුත් උපන්‍ වේලාව දිනය භාවිතයෙන් තොරව යම් කිසි විශේෂ සංසිද්ධියක් අළලා කේන්ද්‍ර සටහනක් නිර්මාණය කල හැකියි. උදාහරණයක් ලෙස නිදහස් ගිවිසුම තැබු ස්තානය හා දිනය මගින් සාදාගත් කේන්ද්‍ර සටහනක් මගින් ලංකාවේ දේශපාලනය සම්බන්ද අනාවැකි ප්‍රකාෂයට යොදා ගත හැකියි. එසේම යම් අයෙකු ජ්‍යෝතිෂ වේදියෙකු හමුවට පැමිණෙන වේලාවට නිර්මාණය කරන කේන්ද්‍ර සටහන අනුව ඒ පුද්ගලයා පැමිණි කාරණාව එහි ඉෂ්ඨ සිද්ධ භාවය ගැන පූර්ව කථනයක් කළ හැකිය.

ග්‍රහයන්ට මිනිසුන්ට බලපෑම් කළ හැකිද?
ඒ ප්‍රශ්ණය වැරදි බවයි මගේ අදහසයි. මන්ද අපි ග්‍රහයන් මෙහෙදී යොදා ගනුයේ සංකේතයක් ලෙස පමණයි. ඔවුන් යම් යම් කරුණු නිවේදනය කරයි. ඒ පිළිබඳ තවදුරටත් පැහිදිලි කරන්නේ නම්.

සමනළ ආචරණය(Butterfly effect)
වර්තමානයේ යම් සිදුවීමක් සිදුවීමට අතීතයේ සිද්ධීන් මාලාවකගේ දායක්ත්වය ලැබේ. උදාහරණයක් ලෙස වර්තමාන ඇමෙරිකාණු ජන පති ඔබාමා ගේ පියා කුඩා කල සමනළයෙකු පිටුපස දුව යාම නිසා යම් අනතුරකට මුහන මුහන දුන්නා කියලා. ඒ අනතුර නිසා ඔබාමා ගේ පියා කුඩා කලම මිය ගියා කියලා. දැන් මොහෙතකට හිතන්න එය සත්‍ය නම් සමන‍ළයෙකුට මුළු අනාගයම වෙනස් කිරීමේ හැකියාවක් තියෙනවා කියල ඔබට වැටහේවී. මේ සිද්ධිය පරණ චිද්‍යා ප්‍රබන්දයක සමනළ ආචරණය(Butterfly effect) ලෙස අර්ත දක්වා තිබුනා.

පැහැදිලි කිරීම
එසේ නම් වර්තමාන සිද්ධියක වග කියන අතීතයකට අපි හිමිකම් කියනවා. ‍ජ්‍යෝතිෂ විද්‍යාවේදී අප කරනුයේ වර්තමාන යම් සංසිද්ධියකට අදාලව අහස් සිතයමක්(space snapshot) ලබා ගෙන ඒ මත ඉදිරියට විය හැකි දෙය පිළිබඳ පූර්ව නිගමනයකට එළබීමයි. මෙය සෑම විටම 100% නිවැරදි ප්‍රතිඵල ලබා නොදීමට පුළුවන්. ‍අප ජ්‍යෝතිෂයෙදී ලබාගනුයේ වර්තමාන යම් සංසිද්ධියකි. සමනල ආචරණයේ යම් කොටසකි. එය සත්‍ය ලොකය හා බැඳී පවතී. එය ‍ජීවියෙකුගේ උපතක් නව ර‍ජයක ආරම්භයක් නව ව්‍යාපායක ආර්ම්භයක් වැනි පැහැදිලි දැකිය හැකි ප්‍රතිඵලයක්(deliverable) මත ලබා ගන්නා ලද යම් නිමිත්තකි.

ජ්‍යෝතිෂය අපට කළු පෙට්ටියක්(black box) ලෙස අර්ත දැක්විය හැක. එහිදී අපට එය තුල ඇති සමහර කාරණා සිදුවන ආකාර සියල්ල අවබොධ කර ගත නොහැකි විය හැක. නමුත් එමගින් ලැබෙන ප්‍රතිඵලය පමණක් ලබාගන්නා බවයි. සිතන්න අපට වාහනයක් පැදවීමට එහි එන්‍‍ජිමේ ක්‍රියා කාරීත්වය දැන සිටීම අනිවාර්ය නෙවේ. එනමුදු අපට සුක්කානම ‍ජියර් පද්ධතිය ආදීය පිළිබඳ අවබෝදය මාර්ගයක අනතුරු නොවී ගමන් කිරීමට ප්‍රමාණවත්ය.

මා බුද්ධ ධර්මය පිළිගන්නා අයෙකු ලෙස ජ්‍යෝතිෂය මා අර්ත දක්වනුයේ කේන්ද්‍ර සටහනක ග්‍රහයන් කර්මයන්ගේ ක්‍රියාකාරීත්වය දැනට සැකසී ඇති තත්වය ගැන නිවේදය කරන බවයි. එය වර්තමාන නියාම ධර්මයන් මගින් වෙනස් කළ හැකි බවයි. නමුත් විශ්වය සමබර තාවය රැකගනීමේ උත්සාහයක නිරතවේ. ඒ විශ්වයේ පැවැත්ම සඳහා සෑම විටම යම් යම් කරුණු ගොනුවිය හැකි ආකාරයට සියල්ල ඒක් කිරීමටයි. නැතිනම් විශ්වය සෑම විටම තුලනය වීමට උත්සහ කරන බවයි.