කූඹියෝ Season 2 Episode 1 (Fanfiction)

අංක 1

Crescat Mall (Open Area)
මල්දෙනිය අගමැති වී වසර 1යි මස 8කට පසුව

(inaudible,no background music) 
හිරුණි මිතුරියක් සමග හිනැහෙමින් අල්ලාප සල්ලාපයේ යෙදී සිටිමින් වෙළඳසැල් එකින් එක පසු කර බලා යන්නේ ඒවා ඇතුලේ ඇති කාන්තා ඇඳුම් ගැනත් විපරම් කරමිනි. එකවරම ඇයට කඩකාමරයක වීදුරුවක ප්‍රතිබිම්භය තුලින් ජෙහාන්ව දැක තිගැස්සිනි. ඇය වහා හැරී බලන මුත් ඇය පසු පස කවුරුත්ම නොසිටියේය.

මිතුරිය: මොකද? ඇයි කලබල වෙලා?
හිරුණි: නෑ නෑ… මං එකපාරට වෙන කල්පනාවකට ගියා.
මිතුරිය අභිනයෙන් ඇයගේ ප්‍රකාෂය පිලිගත නොහැකි බවක් හඟවමින් කුතුහලය පිරි බැල්මක් ඈ වෙත පායි.

හිරුණි: අපි Food Cart එකට යමු බඩගිනියි වගේ.

අංක 2
පාර්ලිමේන්තු මන්ත්‍රී කාර්‍යාලයක්
වේලාව 09:42

තේ කෝප්පයක් සහිත බන්දේසියක් රැගෙන කාර්‍යාල සහයකයෙක් වෙගයෙන් නමුත් සීරුවෙන් ගමන් කරයි. ඔහු මන්ත්‍රී වරයාගේ කාමරය ලඟ නැවතී දෙවරක් තට්ටු කරයි. තත්ත්පර 4ක් පමණ සිට ඔහු කාමරයේ දොර විවෘතකරයි. ප්‍රියන්ත මන්ත්‍රීතුමා කාර්‍යාල මේසයේ වාඩිවී ඉඳි. කාර්‍යාල සේවකයාට මෙතනින් තියන්න යැයි හස්ත සංඥාවෙන් පෙන්වමින් ඔහු හිස මේසය දෙසට හරවමින් කියවමින් සිටි ලියවිල්ල නැවත කියවීමට ආරම්බ කර කරයි. ඒ මොහොතේම වාගේ නැවතත් දොරට තට්ටු කරන හඬක් ඇහුන අතර වැඩි වෙලා නොයවාම දොර වීවෘත වෙයි. ඒ මන්ත්‍රීතුමාගේ කාර්‍යාල සහයිකාවයි. ඇය දොර කාමරයට ඇතුලත් නොවී දොර අඩවන්ව තබා කතා කරන්න අරඹන්නීය.

සහයිකාව: සර්. සර්ව හම්බවෙන්න මහත්තයෙක් ඇවිල්ලා තියෙනවා. ඇපොයිමන්ට් එකක්නම් අරගෙන නෑ. ඒත්,
(ඇය කතාව අවසන්කිරීමට ප්‍රථම)

ප්‍රියන්ත: මම කියල තියෙනවානේ, ඇපොයිමන්ට් එක්ක නැතුව කාටවත් හම්බවෙන්න බෑ කියලා. මිනිස්සුන්ට හම්බවෙන්න මම සතියට දවස් දෙකක්ම පැය දෙක ගානේ වෙන් කරල තියෙනවානේ. මොන මගුලකට මෙතන ආයේ මෙතන, සර් සර් ගාගෙන.

ප්‍රියන්ත කතාව හමාර කරන්නට කලින් අඩවන්ව තිබූ දොර සම්පූරණයෙන්ම විවර කරමින් ඇතුලත් වෙන්නේ ජෙහාන්. අළු(Dim gray) කුර්තාවකින් සැරසී සිටියි.
(Playing background music of Koombiyo theme song/rock version)

ප්‍රියන්ත සහයිකාවට සහ සහයකයාට පිටත් වෙන්න කියන අතර ජෙහන කාමරය තුලටසිමින් පිවිසෙයි. ප්‍රියන්ත අසුනින් ඉබේටම වාගේ අසුනෙන් නැග්ට්වෙයි. ජෙහාන් දකුණු අත ඉනමත තබා ගනිමින් ප්‍රියන්ත දෙස බලමින් කට කොනින් සිනාසෙයි.

ප්‍රියන්ත දැඩි බියකින් සලිත වෙමින් පවතින බව පෙනෙන්නට තිබේ.

(background music fade out)

ජෙහාන්: කෝ උඹ පරණ යාළුවාට වාඩි වෙන්න කියන්නැත් ද? ප්‍රියන්ත මහඋලුපත ගම මන්ත්‍රී තුමා.

ප්‍රියන්ත: වා.. වාඩි වෙන්න අයියේ.

ජෙහාන්: බලනවකෝ අයිසේ. අවරුදු දෙකක්වත් ගියේ නෑ තමුසේ ගේ බඩ ඇවිල්ලා. තමුසේ මීට වඩා තමුසේගේ ආරක්ෂාව ගැන හිතන්නවෙනවා. මම මෙතනට ඇවිල්ල උඹගේ ඔළුවට වෙඩි තියල ගියත් කවුරුත් දන්නෑ.

ප්‍රියන්ත: අයියා කවද්ද ලංකාවට ආවේ.

ජෙහාන්: මම ලංකාවට ඇවිල්ලා සතියක් විතර වෙනවා.

ප්‍රියන්ත: ඉතින් අයියා මේ පැත්තේ.

ජෙහාන්: ඇයි මට උඹව හම්බවෙන්න තහනම් ද?

ප්‍රියන්ත: නෑ. නෑ එහෙම නෑ. අයිය ඉතින් අයියගේ වැඩේ කරගත්තානෙ. මම හිතුව අපිව ආයේ ඕන වෙන එකක් නෑ කියලා.

ජෙහාන්: උඹ මෙච්චර මාත් එක්ක ආශ්‍රය කරලා උඹ තාම හිතන්නේ අර පරණ මහඋල්පත ගමේ හිටපු ගංබරයා විදියටමයි. යකෝ උඹ හිතන්නේ මම අහවල් එකට ද උඹව මන්ත්‍රී කෙනෙක් කරේ කියලා? උඹ හිතුව ද මම මල් දෙනියව අගමැති කරේ උගේ සල්ලි වලට පෙරේත කමේ කියලා?

අනිත් එක උඹ දන්නවා ද මේ රටේ අගමැති ගාව ඉඳන් කීදෙනෙක් මේ වෙනකොට මගේ සාක්කුවේ ඉන්නවා ද කියලා?

ප්‍රියන්ත: අගමැති තුමා? අපේ මල් දෙනිය මහත්තයා?

ජෙහාන්: මල්ලි, මම උඹට ඒ විස්තර හිමීට කියන්නම්. මම ආවේ මගේ පරණ යාළුවා මුනගැහිල යන්න.

ප්‍රියන්ත: අයියා ආයේ රට යන්නැත් ද?

ජෙහාන්: කෙටියෙන්ම උත්තර දෙනවානම්. උඹට එහෙම මගෙන් ගැලවෙන්න බෑ. අනිත් එක උඹ දන්නවානේ. මාත් එක්ක හිටියා කියල මෙච්චර කල් උඹට වැරදුනේ නෑනේ. නැත්තන් ඔය පිංතූරේ ඉන්න කෙනාව උඹට කවදාවත් බඳින්න වෙනවා ද? මේක අහගනින්. උඹගේ ආරක්ෂාව හොඳටම මදි. උඹගේ පුද්ගලික ආරක්ෂාවට කොල්ලො 4 දෙනෙක් මම උඹට දෙන්නම්. උන්ගෙන් දෙන්නෙක්වත් කොයිවෙලේත් උඹ ගාව ඉඳීවි. උන් උඹගේ ආරක්ෂාව බලා ගනීවි.

ප්‍රියන්ත: එහෙම ආරක්ෂාව ගැන ප්‍රශ්නයක් නෑ අයියේ මට. මෙහෙම හොඳයි. අනික මට රජයෙන් ආරක්ෂාව දීල තියෙනවා මම මේ අවුරුද්දක් හොඳට හිටියේ.

ජෙහාන්: උඹට උඹේ ජීවිතේ වටින්නෙ නැති වුනාට මට වටිනවා. ඒක නිකන් නැතිවෙලා යන්න දෙන්න බෑනේ. රජයෙන් දීපු ආරක්ෂාව හොඳයි නම් කොහොමද බං මල්ලියේ මම මේක ඇතුලට ආවේ උන්ගෙන් බේරිලා. අනිත් එක උඹේ ජීවිතේ උඹට වඩා හෙට අනිත්දා උඹ බඳින්න ඉන්න සුදු නංගිට වටිනවා.

ප්‍රියන්ත ජෙහාන් ඉදිරියට ඇවිත් දනින් වැටෙයි.

ප්‍රියන්ත: අනේ අයියේ අපේ ජීවිත වලින් ඈත් වෙන්න. මට මගේ පාඩුවේ ඉන්න දෙන්න.

ජෙහාන්: ප්‍රියන්ත, උඹ ඔය ගෙවන ජීවිතය දිගටම ඔය විදියට ගෙවන්න පුළුවන්. ඒකට බය වෙන්න දෙයක් නෑ. උඹට අවුරුද්දකට දෙසැරකට සැරයක් ඉඳ හිට මට ඕන පොඩි වැඩක් උදව්වක් කරන්න වෙයි. එච්චරයි. අනිත් එක මම උඹට අලුත් බිස්නස් එකකුත් අරන් දෙනවා. හෙට උදේ උඹගාවට මගේ එකකේ එයි. ඌගේන කොල වලට අස්සරන් කරන්න විතරයි උඹට තියෙන්නේ. ඒකට අත්සන් කරාම Serendib Media Corporation එකේ 5%ක කොටස් උඹේ නමට හම්බවෙනවා.

ප්‍රියන්ත ජෙහාන් කතා කරන අතර තුර නැගිට තම අසුන වෙත නැවතත් යන්නේ බලා පොරොත්තු කඩ වූ විලාසයකිනි.

ප්‍රියන්ත: Serendib Media Corporation? මේ රන්දීප පත්තරය කරන තැන?

ජෙහාන්: ඔව් ඒක තමයි. උඹට ඒ කොටස් වලින් ලැබෙන ලාබය තියාගන්න පුළුවන්. කොහොමත් උඹ දැන් කරන ව්‍යාපාරත් එක්ක
ඕකේ කොටස් වලින් ලොකු ලාබයක් ලැබෙන්නේ නැති වෙයි. ඒ එකේ ලාබේ උන් පිටට යන්න දෙන්නැති නිසා. ඒත් උඹට මම කියන්න ඕන නෑනේ ඕකෙන් තියෙන්නේ ඒ වගෙ ප්‍රයෝජන නෙමෙයි කියලා. අනිත් එක Serendib Media Corporation එක ලඟදිම TV Channel එකක් පටංගන්නවා. මම ඒකේ Consultant කෙනෙක් අනිත් එක මම ගත්ත ඩිග්‍රිෙයන් වැඩක් ගන්නත් එපැයි. නේ ද?

ජෙහාන් සිනාසී ප්‍රියන්ත දෙස අවාධානයෙන් බලයි.

ප්‍රියන්ත: අයියේ අපේ පක්ෂයේ වැඩ වෙන පිලිවලක් තියෙනවානේ. මට කැමති විදියට ආරක්ෂාවට මෙහෙම කට්ටිය තියන් ඉන්න එක ප්‍රශ්නයක් වෙන්න පුළුවන්. මම මේවිදියට ඉන්නම්.

ජෙහාන්: Sagara Security & Investigation Services එකෙන් උඹට service එක දෙන්නේ. උන් හැමෝටම නීත්‍යානුකූල විදියට ප්‍රභූ ආරක්ෂාව දෙන්න පුළුවන්. පක්ෂයෙන් උඹට ප්‍රශ්නයක් වෙන්නෑ, මොකද උඹලාගේ පක්ෂයේ කිහිප දෙනෙක්ටම දැනට මම මගේ සේවය නොමිලේම ලබා දීලා ඉවරයි.

ප්‍රියන්ත: මගේ?

ජෙහාන්: ඔව්. මගේ. සුනිලයා ගාව හිටපු කොල්ලෝ ටික මම මාත් එක්ක තාම ඉන්නවා. සුනිලයාව නම් මම රටින් පිටට යැව්වා.

ප්‍රියන්ත: අයියා අගමැති තුමා පත්වෙලා සතියකින් විතර රට අත ඇරල ගිහින් අයියා හරියට කතා කරන්නේ පහුගිය අවුරුදු එකාමාරෙම අයියා ලංකාවේ හිටියා වගේනේ.

ජෙහාන්: මන්ත්‍රී තුමා. මට ඒ ගැන ඔබ තුමාට පැහැදිලි කරල දෙන්න මම බැඳිලා නෑ.

එහෙනම් මම ගිහින් එන්නම්. අවශ්‍ය වුනොත් මම සම්බන්ද වෙන්නම්. ආ උඹ කතා කරත් නැතත් උඹේ වෙඩින් එකට මම එනවා. මට ඉන්න එකම යාළුවාගේ වෙඩින් එකට නෑවිත් කොහොම ද?

අංක 3:
පියන්ත මහඋල්පතගම ගේ කාර්‍යාලයෙන්පිටත

ජෙහාන් කළුපාට x-trail රථයේ පසුපස අසුනට ගොඩ වෙයි.

රියදුරා: ඊගාවට කොහේටද යන්නෙ?

ජෙහාන්: දියතඋයණ පැත්තට යමු, යන්න ඕන තැන හරියටම මම ලංවුනාම කියන්නම්.

වාහනය ඉදිරියට ඇදෙයි. ජෙහාන් වාහනයේ වම්පස ඉදිරි අසුන දෙසට නෙත් යොමමින්.

ජෙහාන්: මල්ලි අදහසක් ගත්තාද කෙරෙන්න ඕන වැඩේ ගැන.

ඉදිරි අසුන තුල ඉන්නේ මීසා. ඔහු අත මුද්‍රණය කරන ලද A4 පිටු 20ක විතර ලිපි කිහිපයක් ද වෙයි.

මීෂා: අයියා මම කියෙව්වා. පැහැදිලි නැති තැන් ටිකක් තියෙනවා. අනිත් එක මේක සෑහෙන බරපතල වැඩක් අයියා.

ජෙහාන්: හරි අපි ඒක ගැන දැන් යන තැනට ගිහින්ම සම්පූර්ණ විස්තරේ කතා කරමු. උඹ දැනට වෙන මුකුත් වැඩ දාගන්න එපා. උඹ මාත් එක්ක අද ඉඳන් ෆුල්ටයිම් වැඩ කරන්න ඕන. අනිත් එක මම උඹට තනියම නිදහසේ වැඩ කරන්න පුළුවන් අලුත් තැනකුත් ලෑස්ති කරලයි තියෙන්නේ.